తరాల వర్షం
_______________కృష్ణ మణి
నీ చనుమోనలతో ఆటలాడినప్పుడు తెలియలేదు
బక్కచిక్కిన ప్రాణం నా ఆకలి తీర్చుటకు ఎంత బాధను వోర్చావోనని
ఆకలి చాలక
నీవు అస్తికలా మారుతున్నావనీ
నేనెరుగను
ఏది ఏమైనా
ఆ క్షణం నా కడుపు నిండాల్సిందే
పాలపల్లు
కసితీరా కొరికితే
నీ కల్లోల సముద్రపు ఆగాధంలోంచి తొనకిన తొలుకులు నాకగుపడలేవనుకుంటా
కొత్తగా ఉప్పుఇనుముల రుచి ఒకటి వెచ్చగ నా నాలుకను తాకింది
అది ఎర్రటి నీ చను రక్తమని తెలియదప్పుడు
భరించిన నీవెంత గోప్పనో అప్పుడర్దం కాలేదమ్మా .....
ఇప్పుడు
భరిస్తున్న నా దేహాన్ని చూస్తే అర్ధమవుతుంది
కృష్ణ మణి
No comments:
Post a Comment