________________కృష్ణ మణి
ఏవో పిచ్చి గీతలు
బహుశా నా ఆలోచన గ్రాఫ్ అనుకుంటా
నా తెల్లటి మనః పలకంపై
ఒక్కొక్కటి ఎంత వికారంగా ఉన్నాయో
చెప్పలేను చూపలేను !
సగటు మనిషి ఆలోచనలతో
నన్ను నేను పోల్చుకున్నప్పుడు తెలుస్తున్నది
నేనెంత వింత ప్రపంచంలో బతుకుతున్నానోనని !
కాలమహిమో
లేక
మనిషి పరుగో తెలియదు
లోకం పరుగుకు ఎదురుగ నడుస్తున్నాను !
ఎంత చిత్రంగా ఉందొ ఈ పయణం
అంతే చిత్రంగా ఉంది మనిషుల ఆలోచనల పిచ్చి గీతలు
ఒకదానికి
ఇంకో ఒక్కదానికి పోలిక లేదు !
ఈ గీతలన్నింటిని
ఒకచోట చేర్చితే తెలిసింది
అంతా శూన్యంలో పుట్టి శూన్యంలో చూస్తూ
శూన్యంలోకి నడుస్తున్నామని !
కృష్ణ మణి
No comments:
Post a Comment