అడ్డదారి
________________కృష్ణ మణి
అమ్మ ఒడిలో
చను పాలతో ఆటలాడితివి కదరా !
రథసారథి నువ్వైతివి
గుర్రాలు మీరేనైతిరి
ఎనుక గుడ్డి జీవులజేసి
సాగితివి కదరా బుద్దిజీవుడా !
నేనులేక నువ్వెక్కడని
ఎక్కిరించితివి కదరా
మరి ఇప్పుడు నువ్వేక్కడరా !
అవమానాలను ఆలింగనం చేసుకొంటిని
నీ చతుర అహంకారాల వలయంలో
కుప్పలు పోసి నలిచితివి కదరా మూర్ఖుడా !
అరికాలికి చెప్పులేని రోజెక్కడా
పాదాలతో పాలరాతిని ముద్దాడితివి నిన్నటి వరకు
సోకును మరచితివిరా !
అడ్డదారిని అదిమి
అందుకున్న అడుగును చూసి
ఏడుపెందుకురా ఇంకా !
కృష్ణ మణి
No comments:
Post a Comment