_____________________కృష్ణ మణి
నా ఊరి మీద
కొత్తగా పక్షుల గుంపులు పొద్దు దిగిన వేళ
కడుపులు నింపుకొని
కడుపులు నింప ఇళ్ళు జేరుతున్నవి !
వొరిగిన మోద్దుకు ముద్దుగ
చిగురుల నవ్వులు
బీళ్ళు తెరిచిన నేలపై చెట్టుకొమ్మల ఛాయ
కొమ్మ కొమ్మకు పూసిన గూళ్ళు !
కిల కిల రావాల హోరు
చెట్టునీడన కునుకుకు జోల పాటల తోడు
తనువు మరిచే నిద్దురపట్టి ఎన్నాలాయేనో !
చెట్టుకు
కొమ్మలు పొదిగినట్లు
చెట్టుకు చెట్టు హత్తుకొని
పరిచిన పచ్చని గొడుగు
జీవకోటికి ఎంత మురుసుడో కదా !
చెదిరిన లోకం
చేరువై సాగే జీవన పయణం
సకలం సంకటం దాటి
శాంతి పొందునని నా ఉప్పునీటి వాగు లోతు మాట !
కృష్ణ మణి
No comments:
Post a Comment