_________________కృష్ణ మణి
నిలువుగా పెరిగే పైరుకు అడ్డంగా వీచే గాలిని
పల్లానికి పారే నీటికి ఎత్తుకు ఒరిగే నేలను !
నింగిని తాకే నీటిని
కొండను పిండే బలాన్ని
పొంగే బావికి ఊటను !
నిత్యం కాసే చిగురుటాకును
ఎండిన తోటలో ముల్లపోదను
పొదిగే గుడ్డుకు గూడును !
పారే నీటికి దారిని
సంద్రం తొలికె అలను
నీటికొండలో వెలుగుని !
అలసిన కంటికి నిద్రను
ఆకలి తనువుకు తిండిని
అలిగే మనసుకు తోడును !
మరువని దెబ్బకు కసిని
మురిసే పువ్వుకు బంధువుని
మాయని గాయానికి మందును !
నేనెవరిని
నేనెవరిని .....!
కృష్ణ మని I 26-01-2015
No comments:
Post a Comment