హోలీ శుభాకాంక్షలు
బసంతి
********
మోదుగ పూల నవ్వుల వనం
ఆ సుందర వర్ణంతో మురిసిన జనం
ప్రకృతి అంతా మోడు వారి
వసంతాలాపన చేస్తూ చిగురు తొడిగే
సమయాన్ని గుర్తు చేయగా
ఈ పూలు ముందుగానే
వసంతానికి ఆహ్వానం పలుకుతున్నాయి
ఆనందంలో ముంచును లోకాన్ని
అందుకే వాటిని బసంతి పూలని
వసంతానికి చిహ్నంగా పొగడుతాము !
ధరణి మురిసేను నేడు
మోడువారిన అడవి మెరిసేను చూడు
బసంతి పూల ఆభరణాల ధగ ధగలో !
హోలీ రంగుల్లో తడసిన గుండెలు
ఆప్యాయతల అల్లరిలో పొంగిన మనసులు !
కృష్ణ మణి I 17-03-2014
No comments:
Post a Comment