చిట్టి మనసు
_________________ క్రిష్ణ మణి
ఇటుక ఇటుక మధ్యలో
మనసుని పెట్టి కట్టాను గూడును
ఇంటి కప్పును గడ్డితో కప్పుతూ
చలికి పెట్టుకున్న గుల్వణ్ ను సరి చేసుకుంటూ
నా ఇల్లును నామొహంలా చూసుకొని మురిసిపోయాను
కొండకోనల్లో
పేలుళ్ళకు బెదరలేదు
సంకలోంచి బుల్లెట్ వెళ్ళినా వణకలేదు
ఆర్డర్ వచ్చి
రొడ్డునేసింది నన్ను
బట్టలూ దుప్పట్లు
ఎన్ని మూటగట్టినా
నా గుండెలో బరవు ఎవరు మోస్తారు
మూలదాటి తిరిగిచూస్తే అగుపించింది
కన్నీరులో నా గూడు మునుగుతుంది
సైనికుల బూట్ల చప్పుళ్లకే తల్లడిల్లింది
మరి తూటాల వర్షంలో తడిస్తే ఏమవుతుందో
ఇప్పుడు ఏది నా ఊరు
ఏది నా గొడుగు
ఈ మంట చల్లరే సరికి
నా కట్టె బూడిదౌతుందేమో
కనీసం
నా పిల్లలైనా చూస్తారో లేదో
ఆ చిట్టి మబసుని
క్రిష్ణ మణి
No comments:
Post a Comment