రంగు మొహం

రంగు మొహం
___________________క్రిష్ణ మణి

రంగులు పూసుకొని లోకం అందంగా ఉంది
మరి నీవు ఒక రంగుని అత్తుకొని
అదే నీ సర్వమని
పక్క రంగును అసహించుకుంటావెందుకు

సమస్త ప్రకృతిలో నీవొక భాగమే కాని
నీవే అంతా కాదు కదా
నీ దారే సరైనదని
నికెవరు చెప్పారు
నదులెన్ని ఉన్నా గమ్యం సంద్రమేగ

మన చుట్టూ ఉండే రంగులు
మనకు అందానిస్తాయి
ఆనందాన్నిస్తాయి

మనం పసిపిల్లలమే ఇక్కడ
కొంత తెలిసే
చాల తెలుసని
అందరిని అలుసుగా చూస్తాం

మనం స్రుష్టించుకున్న వింత ప్రపంచంలో
మనమే తెలివైన వారమనిపిస్తుంది
మనం కుదించుకున్న కట్టుబందాలలో
మనమే మిగులగము ఆకరకు

ఎమో!
మనలో మనమే గీతలుగీసుకొని
మనపై మనమే యుద్ధం చేసి
నేను గెలిచానని నువ్వు
నేనే గెలిచానని నేను
శూన్యంలోకి పయణించి
అస్తమవుతామేమో

ఒక్కమాట విను
గీతలు చెరిపి
రంగులను ప్రేమగా అత్తుకుందామా నేస్తం
జీవితగమనం నీటి బుడగంత
మధ్యలో ఎందుకింత రోత

పద పదా ....
రంగులబండి పిలుస్తుంది
ఆటలాడుకొన పసిమనసుల వలె
అలస్యమైతే ఏ రంగు దొరకదు చివర

క్రిష్ణ మణి