జారిన పాదం

జారిన పాదం
_______________క్రిష్ణ మణి

చిత్తడి మెత్తని అడుగుల్లో
పచ్చని వెచ్చని కాంతుల్లో
కమ్మని ఆమని గొంతుల్లో
అల్లరి ఆటల అరుపుల్లో
ప్రతిద్వనించే ప్రకృతి
కళ్ళముందర కరిగిపోతుంటే

మోటారు పరగుల గజిబిజిలో
అప్యాయతలరిగిన దర్పంతో
మురికిపారే కాలువలతో
అసూయల సాలెగూళ్ళలో
నిత్యం
నరకం చూస్తూ
నిత్యం
నరకంలోనే బతికే
పరాన్నబక్కులం

మనకు ప్రకృతంటే ప్రేమని అనటం సిగ్గు సిగ్గు
తుంచడమెరిగిన కసాయులం
పెంచడమా  ?

వంచడమెరిగి
చివర
మనలని మనమే కోసుకుతినే రోజులొస్తాయని అందోలన

రాజ్యమంటే మనుషులైతే
రాజ్యమేలే దొంగ పురుగులు
రాగమత్తి తాళమేసే స్వార్ద భ్రష్టులు
మీరు కారా తేనెపూతలు ?
మీవి కావా నత్తినడకలు ?

కళ్ళు తెరువని బావిబతుకుకు దారి ఇవ్వండి
దమ్ముతియ్యని అడవిబతుకుకు బాటవెయ్యండి
పచ్చని అడగులెయ్యండి

అప్పుడుకదా... ఆ తల్లి
నిండుగా
పసందుగా విరబూసి నవ్వుతుంది
వెచ్చని లోకం
నడుస్తుంది .... నడిపిస్తుంది

క్రిష్ణ మణి