మూగ కొలను

మూగ కొలను
_________________క్రిష్ణ మణి

సాయం సంధ్యలో
చెరువుగట్టుపైన చింతచెట్టు కొమ్మ చివరన
పిట్టగూడులోంచి ఏకాంతంగా చూస్తూ
నన్ను నేను మరచిన కాలం

ఒరాల క్రింద
బురదలోన
అఙాతంగా కనుమూయని చూపుతో
నా ఆకలిపోరాటం

నిశీదిపంచన
క్రిముల వేటలో
వెలుగునిండిన ఒళ్లుతో
నా ఆరాటం ఒక వింత

కప్పలకై
నీటిలో అలలను తోస్తూ
నా పరుగు ఒక విన్యాసం
మరో నోటికి ఉబలాటం

పిల్లి ఆటకు వస్తువునై
బతకనని తెలిసి పరుగు
కోర పళ్ళు కసిగా నొక్కితే అర్థం అయ్యింది
గుండె ఆగి క్షణాలు గడిచాయని

ఎన్నని చూడను
వింతలు విషాదాలు
నవ్వులు పువ్వులు
అరాటాలు పొరాటాలు

చుట్టూ నేనే
నా చుట్టే లోకం
లోకం చుట్టూ నేను !

క్రిష్ణ మణి