నా లోని అలలు

చేను కాడ సంపెంగ పూల అల

కొమ్మ పైన పక్షి పిల్లల గోల గట్టు కింద కర్కాటాల వల మేఘాల ఓంపులో దాగిన జల ఎండిన కళ్ళలో ఒదిగిన కల

****************************

చిటపాట చినుకులు! మిడతల అరుపులు ! మిణుగురు మెరుగులు ! జల జల మోతలు !సవ్వడి గాలులు ! కప్పల గంతులు !పాముల సందడి ! ఉరుముల కాంతిలో మెరిసిన జాతర ! మదిలో ఊగెను మత్తున తీగలు !

***************************************

చిగురుటాకుల పైన చినికులు ! చిన్నారుల కళ్ళలో తళుకులు ! చిన్నదాని యదలో వణుకులు ! చింతలో ఉన్నరైతు చిందులు !

--కృష్ణ మణి