అర్ధమయ్యింది

అర్ధమయ్యింది

____________________కృష్ణ మణి

ఊరవతల ఊరవిచ్చుకల ఉరుకులాటను జూసి

పిట్టల అల్లరనుకున్నాను

అది పామెంట వడుతున్న అమ్మ తనపు ఆవేశమని  

మెల్లంగ అర్ధమయ్యింది

అంబా అని  ఆవు అరుస్తుంటే

పల్లెకే అందమని మురిశిన

అది దొడ్డిల గట్టేశిన లేగకోసమని

మెల్లంగ అర్ధమయ్యింది

నాటేస్తున్న అమ్మల పాటను ఇని

కొండలు నిద్రబోతున్నయనుకున్న 

అది ఆకలి గొంతుల అరుపులని  

మెల్లంగ అర్ధమయ్యింది

శేన్లళ్ళ గొర్లమందల నిద్రలు జూసి

దుక్కిల ఒళ్ళు అందమయ్యిందనుకున్న

అది పట్నం కడుపులో తేలే మూగ నాల్కెలని

మెల్లంగ అర్ధమయ్యింది

ఊరు మెల్లంగ రంగుమారుతుంటే

షోకుల పరుగులని నవ్వుకున్న

అది ఆరిన బతుకు పోరాటాల కొత్త శిత్రమని

మెల్లంగ అర్ధమయ్యింది

ఏమర్దమయినా మెల్లంగ

ఆకిరికి అర్ధమయ్యింది ఎందంటే

ఆకలి తిప్పల ఆరాట పోరాటాలే ఎక్కడ జూసిన

కృష్ణ మణి