_________________కృష్ణ మణి
ఎందుకో
మరెందుకో
ఈ పగలు రాత్రి కోసం పరుగు
ఆగని క్షణం ఆగని వెలుగు
ఆగని లోకం ఆగని వేగం !
ఎందుకో
మరెందుకో
అలసిన పక్షులు కూడా
దాపు దాటి గూటికి సాగుతున్నవి గుంపులుగా
లేగా దూడ కొట్టంలో ఎదురుచూపు చనుపాలకై
నిండి నిండని ఆకలి కడుపు
ఆరని దప్పిక తీరని కోరిక !
ఎందుకో
మరెందుకో
తడిసిన నేలలో ఇంకని ప్రాణం
తొందరగా పొద్దెక్కించి
తడి ఆరనివ్వక విత్తుని బతికించే ఆరాటం !
ఎందుకో
మరెందుకో
ఎండిన డొక్కల కుదురుగ నెమరుకు నీడ పరుగు
మాడే మంటలు వెచ్చగ మారి తనువును పరుపు !
ఎందుకో
మరెందుకో
మనసు పంచె మగువ మొగుని రాకకై అలక పాన్పు
మనసు దోచే మొగడు మగువ స్పర్శకై మసక పాట్లు !
ఎందుకో
మరెందుకో
కృష్ణ మణి
No comments:
Post a Comment